EspadELA en MOECHE

Aberto o prazo de inscrición até o 13 de setembro para EspadELA Moeche.

Podes escribirnos a arabias.coop@gmail.com, chamarnos a 619 457 324/667 384 221 ou informarte en Servizos Sociais do Concello de Moeche.

Os obradoiros terán lugar todos os luns de 16:30 a 18:30, dende o 16 de setembro até novembro no Centro Cultural Francisco Piñeiro.

As liñas formativas que se desenvolverán na Escola son:

CON VOZ PROPIA, 4 OBRADOIROS DE 2 HORAS.

Obradoiro para traballar arredor da autoestima, participación, liderado e prevención de violencias machistas. Este espazo formativo busca a conexión cun marco de interpretación feminsita da realidade cotiá. Abórdase o recoñecemento persoal das mulleres como suxeitos de dereitos políticos, sociais e civís a través dunha aproximación ao seu exercicio no marco do asociacionismo así como aos liderados femininos.

ENREDAD@S, 4 OBRADOIROS DE 2 HORAS.

Obradoiro para traballar arredor das novas tecnoloxías. Este espazo formativo aborda unha aproximación a posibilidades que ofrece Internet e as redes sociais traballando o manexo práctico de dispositivos móbiles que facilitan a comunicación e o traballo en rede.

HABITANDO O NOSO CORPO, 2 OBRADOIROS DE 2 HORAS.

Obradoiro para traballar arredor do autocoñecemento, o autocoidado e a expresión emocional. Utilizaremos ferramentas da Biodanza, da Atención Plena e do ioga integral, como medios para chegar a esta conexión sempre dende o disfrute e o autociodado.

2ª Edición EspadELA. Arzúa, Betanzos e Moeche

Este setembro iniciamos a segunda edición da Escola de Apoderamento Feminista de Mulleres do Rural, EspadELA.

O programa desenvolverase nos municipios de Arzúa, Betanzos e Moeche.

Nesta ocasión renovamos as liñas formativas:

CON VOZ PROPIA, 4 OBRADOIROS DE 2 HORAS.

Obradoiro para traballar arredor da autoestima, participación, liderado e prevención de violencias machistas. Este espazo formativo busca a conexión cun marco de interpretación feminsita da realidade cotiá. Abórdase o recoñecemento persoal das mulleres como suxeitos de dereitos políticos, sociais e civís a través dunha aproximación ao seu exercicio no marco do asociacionismo así como aos liderados femininos.

ENREDAD@S, 4 OBRADOIROS DE 2 HORAS.

Obradoiro para traballar arredor das novas tecnoloxías. Este espazo formativo aborda unha aproximación a posibilidades que ofrece Internet e as redes sociais traballando o manexo práctico de dispositivos móbiles que facilitan a comunicación e o traballo en rede.

HABITANDO O NOSO CORPO, 2 OBRADOIROS DE 2 HORAS.

Obradoiro para traballar arredor do autocoñecemento, o autocoidado e a expresión emocional. Utilizaremos ferramentas da Biodanza, da Atención Plena e do ioga integral, como medios para chegar a esta conexión sempre dende o disfrute e o autociodado.

EspadELA en (Re)construíndo o Coñecemento, a Xornada Universitaria Galega en Xénero

O pasado venres presentamos EspadELA no contexto académico a través dun póster. Nesta comunicación trasladamos o soporte teórico que nos levou a deseñar esta escola de apoderamento feminista dirixida a mulleres do rural, así como os grandes logros acadados na mesma

Este espazo facilitounos unha gran visibilidade, así como a oportunidade de visibilizar a situación das mulleres no rural galego.

Seguimos a traballar para posicionar a necesidade de traballar dende a perspectiva feminista no rural galego :)

EspadELA é recoñecida como #PremioLuisaVillalta

EspadELA é un dos proxectos seleccionados pola área de Igualdade e Cultura da Deputación da Coruña no marco do Concurso Luísa Villalta de proxectos culturais pola igualdade.

Este recoñecemento implica unha nova andaina de EspadELA, desta volta poñémonos a traballar nunha investigación que derivará nunha publicación e nun novo proceso formativo. Deste xeito, seguimos a crear espazos e materiais para elevar a voz e para motivar a participación sociocomunitaria e política das mulleres do rural.

Un novo formato e un novo proxecto arredor de EspadELA. Estamos desexando poñernos mans á obra! :)

EspadELA. A escola de empoderamento de mulleres no rural.

Arabías S.Coop.Gal desenvolveu dende setembro a decembro de 2018 EspadELA nos concellos de Arzúa, Ordes-Oroso e Betanzos. Este proxecto coordinouse da man da Secretaría das Mulleres do Sindicato Labrego Galego e levouse a cabo grazas ao financiamento da Deputación da Coruña.

Imaxe e deseño: Lucía Catoira Pan.

Producción: Tania Merelas Iglesias e Beatriz López Rey. Socias traballadoras de Arabías S.Coop.Galega

Liña de obradoiros Conectadas

Con voz propia en Ordes

Con voz propia en Betanzos

Con voz propia en Arzúa

Conectadas

A liña de traballo "Conectadas"

O uso das novas tecnoloxías e os dispositivos dixitais de información supón a existencia dunha sociedade “conectada”, na que a inclusión dixital significa a integración que aumenta o benestar das persoas. En numerosas ocasións, as mulleres quedan á marxe deste proceso, e polo tanto, non aproveitan as vantaxes que proporcionan estas ferramentas. Neste sentido, a situación empeora cando falamos de mulleres que viven en contextos rurais e mulleres en idades avanzadas.

A fenda dixital de xénero supón un proceso de exclusión marcado pola desigualdade, a discriminación e o analfabetismo dixital. A barreira máis difícil de superar para as mulleres non é o acceso, se non máis ben o uso e manexo dos dispositivos. As innovacións requiren habilidades e destrezas específicas. Así, unha das estratexias para superar a fenda dixital de xénero é a formación centrada na alfabetización dixital que facilite a adquisición de habilidades para o uso das novas tecnoloxías adaptado ás necesidades, aos intereses e ás afeccións das mulleres.

“Conectadas” nace co obxectivo de ser un programa de inclusión dixital dirixido ás mulleres do rural que viven maiores desigualdades no que respecta ao acceso, uso e manexo das novas tecnoloxías. Ao longo das xornadas formativas sentimos como a fenda dixital de xénero, o illamento do rural galego e o desmantelamento de servizos públicos converxen nun contexto no que as mulleres sofren vulneracións de determinados dereitos. Referímonos ás dificultades que atopan á hora de acceder a determinados servizos públicos, á sensación de illamento nun escenario de desconexión e falta de comunicación, así como tamén á falta de autonomía para desenvolver certos trámites necesarios no día a día. “Conectadas” pretende incidir na necesidade de comunicarnos e no acceso e uso das novas tecnoloxías para o pracer, o desenvolvemento e a autonomía persoal.

Con voz propia

A liña de traballo "Con voz propia"

Os tres obradoiros que integran a liña formativa “Con voz propia”, dentro da escola EspadELA, son espazos para a reflexión persoal e compartida. A través das propias experiencias, analizamos o que supón ser mulleres no rural hoxe en día. As discriminacións e os problemas que hai que enfrontar diariamente, os traballos asumidos no ámbito da privacidade do fogar e os coidados a persoas en situación de dependencia, e as violencias machistas que combatemos como activistas do cotiá, que dicía Guadi Galego. Tamén entran en xogo os soños e os retos vitais que cada unha se marca, os camiños que queremos transitar para dar sentido e benestar ao día a día.

Aprender a escoitarnos e coidarnos, desde un lugar de menos culpa e prexuízo, é un dos traballos que iniciamos. E nesta tarefa comprendemos que non estamos soas, outras mulleres transitan tamén o mesmo camiño e somos compañeiras. Amigas de loitas e sorrisos. Igualmente, recoñecemos o labor de outras mulleres ao longo da historia en distintos escenarios: na vida política, cultural e artística, na economía o na academia, por citar algúns exemplos. Os seus logros, perténcenos a todas porque son o alento para emprender a tarefa de integrar a igualdade real e efectiva entre mulleres e na das xeracións futuras.