Este ano 2020 comezamos traballando arredor da publicación de EspadELA: historias de vida de seis mulleres que formaron parte desta escola. Esta iniciativa foi recoñecida como Premio Luísa Villalta por parte da Deputación da Coruña.

Pili, Carme, Mariluz, Eva, Marisol e Loli son as seis mulleres que nos abriron as portas da súa casa e das súas vidas. Con esta pubicación pretendemos contar historias do cotiá do rural, historias de mulleres correntes que día a día sosteñan as vidas e os fogares, historias de mulleres que tiveron e que teñen que transgredir patróns, barreiras, discriminacións e violencias machistas.

Estamos inmensamente agradecidas a todas elas.